Алишер Навоий Самарқандда

Аннотация

Темур дунёдан ўтиб (1405) икки асосий ҳокимият Шоҳруҳ бошлиқ, пойтахти Ҳирот - Хуросон давлати (1404-1447) ва Улуғбек бошлиқ, пойтахти Самарқанд Мовароуннаҳр давлати (1409-1449) тараққиётда бир- бири билан рақобат қилар даражада давом этаётган йилларда 1441 йил 9 февралда Ҳирот яқинидаги Симион деган жойда Алишар Навоий дунёга келди. Ҳиротда Дурбек, Сайди Аҳмад, Лутфий ва Атоий; Самарқандда Хожа Исмат Бухорий, Бисотий Самарқан- дий, Мавлоно Хаёлий, Мавлоно Бадахший, Мавлоно Саккокий каби ўзбек ва тожик шоирлари ҳар қайсиси ўз қурби, ўз бунёдкорлигига яраша шуҳратда эди у вактда. Аммо Темур тириклигидаёқ феодал зиддият- лар оқибатида парча-пуришга мойилланиб, нураб борган каттакон империя, Шоҳруҳнинг ўлими (1447) ва Улуғбекнинг ваҳшийларча ўлдирилиши билан (1449) чилпарчин бўлаёзган эди. Хуросонда Шоҳруҳ набира- лари Султон Муҳаммад ва Абулқосим Бобир; Самар- қандда Абдуллатиф, Мирзо Абдулло Абу Санд қўллар- дан қўлларга ўтган давлатларнинг эл-юрт учун машақ- кати озмунча эмас эди.