Дарё ўзанидаги деформацион жараёнларни баҳолашда инновацион технологиялар

Аннотация

Мақолада ўзандаги деформацион жараёнларни ўрганишда замонавий ГАТ (географик ахборот тизими) дан фойдаланиш масалаларига бағишланади. Бугунги кунда турли соҳаларнинг ГАТга қизиқиши ортиб бормоқда. Ушбу маълумотлар табиатдаги ўзгаришлар ва ҳодисалар ҳақида хулоса чиқаришда имконини беради. Дарё ўзанидаги ўзгаришларни батафсил ўрганиш кўплаб олимлар томонидан ушбу дастур орқали амалга оширилган. Бугунги кунда сув ҳисобини олиб боришда жаҳонда ГАТдан кенг фойдаланилади. ГАТ дан фойдаланган ҳолда махсус маълумотларни жамлаш, таҳлил қилиш ва фойдаланувчига етказиб бериш имкони мавжуд. Яъни ГАТ бу Ер хақидаги маълумотларни қабул қилиш, сақлаш, таҳлил қилиш ва фойдаланувчига етказиб бериш учун хизмат қилувчи қурилма ва дастурлар тизимидир. Мақолада Landsat сунъий йўлдошининг маълумотларидан фойдаланилиб Сох сойининг деформацион жараѐнларига бахо берилди ва таҳлил қилинди. Олиб борилган изланишлар ўзандаги жараёнларни тезкор баҳолашга эришиш услубларини баён этилган.