ТОШКЕНТ ВИЛОЯТИ ТАБИАТИНИ МУҲОФАЗА ҚИЛИШДА ГЕОЭКОЛОГИК ЁНДАШУВ МАСАЛАЛАРИ

Аннотация

Монографияда табиатни муҳофаза қилиш ва унга бўлган муносабатни оптималлаштиришда геоэкологик ѐндашувдан фойдаланишнинг айрим жиҳатлари Тошкент вилояти ландшафтлари мисолида ѐритиб берилган. Тошкент вилояти ландшафтларининг ҳозирги ҳолати, ўзгарганлиги, барқарорлиги каби хусусиятлари ѐритилган. Ўзбекистонда илк маротаба аҳолининг зичлигини, ҳудуднинг антропоген элементлар билан бандлигини ва антропоген ўзгарганлигини аниқлашда ланшафт ѐндашувидан фойдаланилган ва мазкур кўрсаткичлар акс эттирилган ўрта масштабли карталар тузилган. Геотизимларнинг антропоген элементлар билан бандлик ва антропоген ўзгарганлик кўрсаткичлари аҳоли сони ва зичлигига корреляцион боғлиқ эканлиги, ўз навбатида бу кўрсаткичлар баландлик минтақаланиши қонуниятига бўйсиниши аниқланган. Геоэкологик вазият ландшафтлар доирасида баҳоланиб, илк бор вилоят миқѐсида амалиѐтда фойдаланиладиган геоэкологик районлар ажратилган. Табиатни муҳофаза қилишга оид қонунларни мавжуд геоэкологик вазиятдан келиб чиққан тарзда геоэкологик районлар доирасида табақалаштириш зарурлиги асосланган ва муҳофаза чора-тадбирлари бўйича тавсиялар берилган. Монография табиатни муҳофаза қилиш ва атроф табиий муҳитни яхшилаш масалалари билан қизиқувчилар учун мўлжалланган.