Педагогик таълим инновацион кластери: таъриф, тавсиф, тасниф

Аннотация

мазкур илмий рисолада Чирчиқ давлат педагогика институтининг асосий стратегик тадқиқот йўналиши бўлган "Педагогик таълим инновацион кластери"нинг илмий-назарий асослари ҳақида сўз юритилган. Таълим кластерлари борасида ҳорижий тадқиқотчиларнинг таъриф ва тавсифлари таҳлил қилинган. Педагогик таълим кластерининг илмий-педагогик муаммо сифатидаги хусусиятлари, унинг таълимга нисбатан инновацион ёндашув эканлиги, таълим, фан ва ишлаб чиқаришни кластер воситасида интеграциялашнинг назарий жиҳатлари, кластернинг таълим хизматлари бозорида рақобатбардошликни ошириш воситаси сифатидаги ўзига хос жиҳатлари кқрсатиб берилган. Шунингдек, педагогик таълим кластери амалиётга жорий этилишининг шакли сифатида қаралаётган "Мактаб-лаборотория" инновацион тажриба майдончалари ташкил қилиш, уларнинг самарадорлигини ошириш, умумтаълим мактабларида мавжуд муаммоларни бартараф этишда олий таълимнинг илмий салоҳиятидан кенг фойдаланиш механизмлари тадқиқ қилинган. Рисолада миллий педагогикамизда янги ҳодиса ҳисобланган "Мактаб-лаборотория" инновацион тажриба майдончаси тушунчасининг таърифи ва тавсифи, шунингдек, ушбу муаммо билан боғлиқ асосий тушунчаларнинг изоҳи келтирилган. Илмий рисола педагогик олий таълим муассасаларида фаолият олиб бораётган профессор-ўқитувчилар, умумтаълим мактабларининг ўқитувчилар, шунингдек, "Педагогик таълим инновацион кластери" бўйича илмий иш олиб бораётган тадқиқотчилар учун мўлжалланган.