Бобурнома (Ҳозирги ўзбек тилидаги тадбили)

Аннотация

Инсониятнинг абадиятга мансуб буюк фарзандлари сафидан Заҳириддин Муҳаммад Бобур ўз ўрнига эга. Кишилик тарихида Бобурчалик шахсий имкон, иқтидор ва фазилатлари беқиёс кишилар жуда кам учрайди. Бобур-шаҳаншоҳ, мумтоз шоир, назариётчи адабиётшунос, фақиҳ, тилшунос, санъатшунос, этнограф, ҳайвонот ва наботот оламининг билимдони сифатида кўп қиррали фаолият ва ижод соҳиби эди. Биргина "Бобурнома" унинг йигирмадан ортиқ соҳаларга қизиққанлигига яққол мисолдир.