Дунёнинг эзотерик манзараси

Аннотация

Мазкур монография инсоннинг олам тўғрисидаги тасаввурлари эволюцияси, унинг тадрижий ривожланиш босқичларидаги маънавий ва руҳий дунёсидаги ўзгаришлар, оламни билиш даражаси, борлиқнинг эзотерик моҳияти, унинг қонуниятлари билан боғлиқ коинот ва инсон уйғунлиги, ижтимоий-маданий жараён, коммуникативлик каби объектив шарт-шароитлари ва билишнинг ақлий, эмпирик, интуитив, ҳиссийлиги каби субъектив омиллари асосланган. Дунёнинг эзотерик манзараси инсоннинг онги ва тафаккур шакли, индивидуал хусусиятлари, олам тўғрисидаги билимлари, дунёни идрок этиш қобилияти ва табиат ҳодисаларини тушуниши билан боғлиқ эканлиги фалсафий жиҳатдан таҳлил этилган. Шунингдек, эзотеризмнинг ижтимоий, психологик, эвристик жиҳатлари халқларнинг маънавий салоҳияти, эътиқоди, миллий- маънавий мероси, урф-одат ва қадриятлари билан ўзаро боғлиқлиги хусусида ҳам атрофлича баҳс юритилади. Монография олий таълим муассасаларининг Фалсафа, Социология, Психология таълим йўналишлари талабалари, магистрлари, тадқиқотчилар, ёш олимлар, шунингдек, фалсафанинг замонавий муаммоларига қизиқувчи кенг китобхонларга мўлжалланган.