Samarqand dostonchilik maktabining tarixiy shakllanish jarayonlari

Аннотация

Jahon adabiyotshunosligida xalq og`zaki ijodi va uning bir qismiga aylangan dostonchilik maktablarining tutgan o`rnini o`rganish va uni anglash zarurati nafaqat filologiya sohasida, balki ijtimoiy-gumanitar, san’at sohalarida ham jiddiy masalalarni kun tartibiga qo`ymoqda. Xalq og`zaki ijodiga xos xususiyatlar dostonchilik maktablarining g`oyaviy mazmunini ifoda etishda juda muhim sanaladi. Ijtimoiy muhit doimo adabiy-ma’naviy, madaniy hayot bilan chambarchas bog`liq bo`ladi. Darhaqiqat, bugungi davr kishilari ongu tafakkuri, dunyoqarashi va ruhiyatidagi o’zgarishlar, eng avvalo, adabiyot va san’atda o`z aksini topadi.