РАҚАМЛИ ИЗЛАРНИ ЛОГЛАШ, САҚЛАШ ВА ҲИСОБИНИ ЮРИТИШ – КИБЕРКОРРУПЦИЯ ВА КИБЕРЖИНОЯТЛАРНИ ФОШ ЭТИШ ВА КИБЕРҲИМОЯНИ ТАЪМИНЛАШ УСУЛИДИР

Аннотация

Ушбу мақола ахборот-коммуникация технологияларидан фойдаланиб содир этилаётган порахўрлик жиноятларини фош этиш учун зарур бўлган рақамли издарга оиддир. Мазкур мақолада муаллиф рақамли излар орқали ахборот-коммуникация технологияларидан фойдаланиб содир этиладиган порахўрлик ва бошқа жиноятларни фош этиш мумкинлигини таъкидлаб, уни ҳуқуқий ва техник томондан асослаб берган. Калит сўзлар: рақамли излар, ахборот-коммуникация технологиялари, коррупция, порахўрлик, жиноят, лог. Аннотация: Данная статья посвящена цифровым следам, необходимым для выявления коррупционных преступлений, совершаемых с использованием информационно-коммуникационных технологий. В статье автор подчёркивает, что с помощью цифровых следов можно раскрывать коррупционные и иные преступления, совершаемые с использованием ИКТ, и обосновывает это как с правовой, так и с технической точки зрения. Ключевые слова: цифровые следы, информационно-коммуникационные технологии, коррупция, взяточничество, преступление, лог-файлы. Annotation: This article focuses on digital traces that are essential for uncovering corruption-related crimes committed through the use of information and communication technologies. The author emphasizes that corruption and other crimes committed using ICT can be uncovered through digital traces and provides both legal and technical justification for this claim. Keywords: digital traces, information and communication technologies, corruption, bribery, crime, logs. Ҳозирда ахборот-коммуникация технологиялари тобора муҳим аҳамият касб этиб бормоқда ва у кириб бормаган соҳа ёки тармоқ қолмоқда. Барча соҳа ва тармоқ босқичма-босқич ва турли даражада рақамли кўринишга ўтказилмоқда. Бу бир тарафдан жуда яхши ислоҳот, бироқ айнан бу технологияларнинг ривожи шуни 77-son 1–to’plam Avgust-2025 Sahifa: 117 Ustozlar uchun pedagoglar.org кўрсатмоқдаки бу технологиялардан фойдаланиб турли хил жиноятларни содир этиш мумкин. Жумладан, айнан бу технология ёрдамида порахўрлик жиноятларини содир этиш имконияти мавжудлиги ачинарли ва тезкорлик билан ҳимоя чораларини кўриш шарт бўлган ҳолатдир. Бироқ, бу жиноятларни фош этиш жуда мураккаб жараён бўлиб, жиноятчи ёки унинг шериклари ўз қилмишларини қачон, қай тариқа ва кимлар иштирокида амалга оширганлигини аниқлаш ҳар бир давлат учун маълум бир мутахассис иштирокини талаб қилади. Бу жараёнда мутахассиснинг асосий вазифаси технология орқали жиноятни ким, қачон, қандай, қай тариқа, қайси қурилма ёки восита билан амалга оширганлигини аниқлаб беришидир. Айнан технология қай тариқа қўлланилганлигини билиш учун мутахассисга рақамли излар керак бўлади. Бироқ, ҳозирги кунда рақамли изларнинг марказлашган тартибдаги ҳисоби мамлакатимизда юритилмайди. Бу эса, мутахассиснинг ишини янада оғирлаштиради. 2025 йил 5 март куни Коррупцияга қарши курашиш бўйича миллий кенгаш йиғилиши1да ва Ўзбекистон Республикаси Президентининг “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида” 2025 йил 21 апрелдаги ПФ–71-сон Фармонида Давлат раҳбари томонидан кибермаконда коррупцияга қарши самарали курашиш бўйича мустаҳкам ҳуқуқий база яратиш юзасидан топшириқ берилган2. Маълумки, Ўзбекистон Республикаси Президентининг 2024 йил 14 октябрдаги ПҚ–358-сон қарори билан тасдиқланган Сунъий интеллект технологияларини 2030 йилга қадар ривожлантириш стратегияси доирасида 5 та мақсад ва 7 та йўналиш доирасида 21 та чора-тадбир3, Вазирлар Маҳкамасининг 2025 йил 10 июлдаги 425-сон қарори билан 89 та4 сунъий интеллект соҳасида устувор лойиҳани амалга ошириш назарда тутилган. Бироқ, ушбу устувор лойиҳалар ва чора-тадбирларнинг бажарилиши натижасида вужудга келадиган 1 https://president.uz/uz/lists/view/7924. 2 Ўзбекистон Республикаси Президентининг “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора- тадбирлар тўғрисида” 2025 йил 21 апрелдаги ПФ–71-сон Фармони // lex.uz – Ўзбекистон Республикаси Қонунчилик ҳужжатлари миллий маълумотлари базаси. 3 Ўзбекистон Республикаси Президентининг 2024 йил 14 октябрдаги ПҚ–358-сон қарори билан тасдиқланган Сунъий интеллект технологияларини 2030 йилга қадар ривожлантириш стратегияси // lex.uz – Ўзбекистон Республикаси Қонунчилик ҳужжатлари миллий маълумотлари базаси. 4 Вазирлар Маҳкамасининг “2025-2026 йилларда сунъий интеллект технологиялари соҳасида устувор лойиҳаларни амалга ошириш чора-тадбирлари тўғрисида” 2025 йил 10 июлдаги 425-сон қарори // lex.uz – Ўзбекистон Республикаси Қонунчилик ҳужжатлари миллий маълумотлари базаси. 77-son 1–to’plam Avgust-2025 Sahifa: 118 Ustozlar uchun pedagoglar.org тизимлар ҳамда Ўзбекистон Республикасидаги мавжуд ахборот тизимлари ва веб-сайтларнинг сунъий интеллект орқали умумий стратегик бошқаруви ва хавфсизлигини таъминлаш масаласи амалдаги қонунчиликда назарда тутилмаган. Таҳлилларга кўра, давлатнинг стратегик ривожланиши ва давлат иқтисодиётига энг катта зарар келтирувчи жиноят