ҚОРАҚАЛПОҒИСТОН РЕСПУБЛИКАСИДА СУД ҲОКИМИЯТИНИ ИСЛОҲ ҚИЛИШНИНГ КОНСТИТУЦИЯВИЙ-ҲУҚУҚИЙ АСОСЛАРИ

Аннотация

Жаҳонда суд ҳокимияти фаолиятини самарали ташкил қилиш ҳамда суд тизими конституциявий-ҳуқуқий асосларини такомиллаштириш борасида илмий-тадқиқотларга алоҳида аҳамият қаратилмоқда. Мазкур йўналишда, жумладан, суд ҳокимиятининг чинакам мустақиллигини таъминлаш тамойилларини такомиллаштириш, фуқаролар ҳуқуқ ва эркинликларининг ишончли ҳимоясини таъминлаш, суд фаолияти самарадорлиги ва нуфузини ошириш тизимини янада такомиллаштириш ҳамда одил судловга эришиш даражасини юксалтириш, суд ҳокимияти ва жамият ўртасидаги сифатли мулоқотни йўлга қўйиш, суд муҳокамасининг ошкоралиги ва судлар фаолиятига доир ахборот олиш ҳуқуқини таъминлашда замонавий ахборот технологияларидан самарали фойдаланишга қаратилган тадқиқотлар устувор даражада амалга оширилмоқда.