Ўзбекистонда ўстирилаётган хорижий хандон писта навларида учрайдиган асосий касаллик турлари

Аннотация

Дунё бозорида Эрон писта навларининг ёнғоқмеваси ўз ўрнига эга бўлиб, энг кўп сотиладиган ёнғоқмева ҳисобланади. Бу ёнғоқмевалар ўзининг хуштаъм, йирик, очиқлик даражаси юқорилиги билан қадрланади. Шу сабабли республикамиз аҳолиси ўртасида ҳам ушбу навларга қизиқиш катта бўлиб, бу навлардан боғ яратиш ишлари маҳаллий аҳоли томонидан амалга оширилмоқда. Аммо, ҳозирги кунда ушбу пистазорларда унинг ҳосилига сезиларли даражада салбий таъсир кўрсатувчи касалликлар ҳам учраб туришини инобатга олган ҳолда, ушбу мақолада хорижий писта навларида учрайдиган айрим касалликлар ва уларнинг биологияси ҳақида маълумотлар берилган..