O‘SMIRLIK DAVRIDA MAFKURAVIY IMMUNITETNI SHAKLLANTIRISHNING PSIXOLOGIK DETERMINANTLARI

Аннотация

Magistrlik dissertatsiyasi mavzusining dolzarbligi. Mamlakatimizning bugungi siyosatida yosh avlodni axloqiy va ma’naviy jixatdan bilimli qilib tarbiyalash ustuvor vazifalardan biri hisoblanadi, chunki yangi dunyoqarashga ega bo‘lgan ma’naviy yetuk yoshlar jamiyat rivojiga sezilarli ta’sir ko‘rsatmoqda. Shu sababli yoshlar ma’naviyatini yuksaltirish va ularni bo‘sh vaqtini mazmunli tashkil etish bo‘yicha besh muhim tashabbusda ilgari surilgan “ulg’ayib kelayotgan yosh avlodning ilm egallashga bo‘lgan ishtiyoqi va intellektual salohiyatini oshirish”3 hamda “yoshlarimizga munosib ta’lim berish, ularning ilm-fanga bo‘lgan intilishlarini ro‘yobga chiqarish”4 orqali yoshlarning mafkuraviy immunitetini oshirish, ularning faolligi, ma’naviyati va uning muhim tarkibiy qismi bo‘lgan axloqiy fazilatlar ulkan bunyodkorlik ishlarini amalga oshirishda integral omil bo‘lib xizmat qiladi, kelajakka bo‘lgan ishonchlarini mustahkamlaydi hamda ularni taraqqiyotga yo‘naltiradi. Bu esa har tomonlama bilimdon, ma’naviy jihatdan boy, barkamol avlodni tarbiyalash davlatimiz siyosatining eng muhim yo‘nalishlaridan biri hisoblanadi.