ӨЗБЕК ЖАНА КЫРГЫЗ ЭЛИНИН ДИДАКТИКАЛЫК ЧЫГАРМАЛАРЫ

Аннотация

Элдик оозеки чыгармачылыгынан азыктанып келген элдерибиз эл тарабынан жаралган дидактикалык чыгармаларга чоӊ маани берип, ал аркылуу өз келечек муундарын тарбиялап келишкен. Ошондуктан да өзбек элинде да, кыргыз элинде да макалдар, лакаптар, табышмактар, санат-насыят, терме жана үлгү ырлар чыгармалардын эӊ маанилүүлүүлөрү катары элдерибизге кызмат кылган. Мындай чыгармалардын негизинде эки элде жаралган дидактикалык чыгармаларды салыштыруу, типологиялык жактан изилдөө дал азыркы күндөгү актуалдуу маселелерден болуп саналат. Анткени, бүгүнкү күндүн жаштары акылман элибиздеги эӊ маанилүү идеяларды камтыган дидактикалык чыгармалардан азыктанып, өз руханий жан дүйнөсүн байытып, келечек муундарга улам калтыруу жана эки элдин эстетикалык, этикалык, маданий деӊгээлинин жогорулугун салыштыруу аркылуу аныктоо, изилдеп маани берүү, аларды жайылтуу бүгүнкү күндө өтө зарыл. Азыркы күнгө чейин, өзбек, кыргыз окумуштуулары тарабынан дидактикалык чыгармаларды изилдөөгө арналган эмгектер көп. Бирок өзбек жана кыргыз элдик дидактикалык чыгармаларды салыштырып үйрөнүп, мындай чыгармаларды, алардын мазмунуна камтылган асыл ойлорду эки элдин дидактикалык чыгармаларын бири-бирине таанытуу, мекенибиздеги кыргыз журтчулугуна да, өзбек журтчулугуна да алардын идеяларын жайылтуу маселеси бул илимий иш ошол бөксөлүктү толтурат деген ойдобуз.