Токнинг милдью (сохта ун-шудринг) касаллигига қарши фунгицидларнинг биологик самарадорлиги

Аннотация

Ушбу мақолада токнинг милдью (сохта ун-шудринг) касаллиги ҳақида умумий маълумотлар ҳамда касалликка қарши Коназол 25% эм.к., Банджо Форте сус.к., Азоксифен 32,5% сус.к. фунгицидларини қўллаш бўйича олиб борилган тажрибаларимизнинг натижалари келтирилган. Тажриба натижаларига кўра, энг юқори биологик самарадорлик Банджо Форте сус.к. фунгициди билан 0,10 л/га сарф-меъёрда ишлов берилган вариантда (90,9 %) қайд этилди. Коназол 25% эм.к. фунгициди билан 0,12 л/га сарф-меъёрда ишлов берилган вариантда эса касалликнинг тарқалиши 19,6 % ни, ривожланиши 3,6 % ни ҳамда биологик самарадорлик 85,8 % ни ташкил этди. Андоза сифатида танланган Азоксифен 32,5% сус.к. препарати билан 0,5 л/га сарф-меъёрда ишлов берилган вариантда биологик самарадорлик 90,5 % ни ташкил этди.