XALQARO BAXOLASH DASTURLARIDA O‘RGANILGAN MATN VA TOPSHIRIQLAR ASOSIDA PAST O‘ZLASHTIRUVCHI O‘QUVCHILAR BILAN ISHLASH MEXANIZMINI TAKOMILLASHTIRISH

Аннотация

Bugungi kunda respublikamizda past o‘zlashtiruvchi o‘quvchilar bilan ishlash mazmunini takomillashtirish, maktab ta’limini isloh qilish, o‘quvchilarni mustaqil hayotga tayyorlash, ularda muvaffaqiyatga erishish uchun zarur bo‘lgan ko‘nikmalarni shakllantirish dolzarb vazifaga aylandi. Buning uchun o‘quv dasturlari, darsliklar, o‘qitish metodikasi va ta’lim natijalarini baholash tizimini zamonaviy talablar asosida takomillashtirish bo‘yicha islohotlar olib borilmoqda. O‘zbekiston Respublikasi maktabgacha, umumiy o‘rta, professional va oliy ta’lim tizimlarida fanlarni o‘qitishni rivojlantirish konsepsiyalari1, O‘zbekiston Respublikasining 2035 yilgacha rivojlanish Strategiyasining konsepsiyasi2, 2019 yil 29 apreldagi “O‘zbekiston Respublikasi Xalq ta’limi tizimini 2030 yilgacha rivojlantirish konsepsiyasini tasdiqlash to‘g‘risida”gi PF-5712-sonli Farmoni3 bilan milliy ta’lim mazmunini zamonaviy talablar asosida takomillashtirish masalalarini qamrab olgan.