Тарқоқ склероз патогенезида нейроспецифик S-100 оқсили ва липопротеидларнинг ўрни ва аҳамияти

Аннотация

Тарқоқ склероз ногиронликка ва жиддий асоратларга олиб келувчи, ҳамда ҳаёт сифатининг сезиларли даражада ёмонлашишига сабаб бўлувчи касаллик ҳисобланади. Жаҳон соғлиқни саклаш ташкилоти (ЖССТ) маълумотларига кўра, «...ҳозирги кунда бутун дунёда 2,8 млндан ортиқ беморлар таркоқ склероз ташхиси билан рўйҳатга олинган ва бу кўрсаткичларга ҳар йили 1млн бемор қўшилиб бормокда». Бу касалликнинг сурункали ривожланиб бориши, ўзига ҳос кечиши, авж олиши ва ремиссия даврларининг турлича шаклда қайталаниши ва касалликнинг бошланғич даврида специфик белгиларнинг йўклиги, ўлим кўрсаткичларининг ўсишига сабаб бўлади. Тарқоқ склероз билан касалланган беморларда эрта юз берувчи дисфункционал ўзгаришлар, даволаш самарадорлигининг пастлиги дезадаптацияга олиб келади, ҳамда муаммонинг тиббий ва ижтимоий аҳамиятини белгилаб беради.