Гидрофиль-гидрофоб кремнезем синтези ва говаклик хусусиятлари тадкики

Аннотация

Сўнгги йилларда ўзига хос тузилиши туфайли кремнезем асосидаги материалларга бўлган эътибор кучаймоқда. Уларнинг хоссаларини (сирт юзаси, ғоваклиги, структураси ва ҳ.к.) ўзгартириш орқали қўлланилиш соҳаларини кенгайтириш мумкин. Жумладан, кремнезем асосидаги материалларнинг гидрофил-гидрофоблигини бошқариш орқали комплекс хусусиятли аэрогеллар олинган бўлиб, улар ўзига хос механик хусусиятлари, юқори сирт юзаси (>1000 м2/г), жуда кичик зичлиги (0,03-0,20 г/см3) ва юқори самарали иссиқлик изоляцион хусусияти, юқори ҳароратга бардошлилиги, ўтда ёнмаслиги, яхши шаффофлик, кичик синдириш коэффициенти ва қуйи электр ўтказувчанлиги, товушни ютиш каби ноёб хусусиятлари билан ажралиб туради.