АТРОФ ТАБИИЙ МУҲИТНИ РАДИАЦИЯ ТАЪСИРИДАН ҲУҚУҚИЙ МУҲОФАЗА ҚИЛИШНИ ТАКОМИЛЛАШТИРИШ

Аннотация

Диссертация мавзусининг долзарблиги ва зарурати. Жаҳонда атроф табиий муҳитни, унинг объектлари ҳисобланган атмосфера ҳавоси, сув, ер, тупроқ, ер қаъри, биохилма-хиллик ва табиий ҳудудларни антропоген таъсир ҳамда бошқа салбий таъсир қилувчи омиллардан сақлаш ҳамда муҳофаза қилиш долзарб аҳамият касб этиб бормоқда. Экологик жиҳатдан энг кам хавф туғдирувчи материаллардан, маҳсулотлардан, ишлаб чиқариш объектлари ва бошқа объектлардан устувор даражада фойдаланиш, заҳарли кимёвий ва радиоактив моддалардан экологик хавфсиз фойдаланишни таъминлаш, чиқиндилар билан боғлиқ ишларни амалга оширишнинг экологик хавфсиз тизимини такомиллаштириш келажак авлодларнинг манфаатлари йўлида давлатни барқарор ривожлантиришни таъминлаш имконини беради.