Тинч ҳолатда ва жисмоний юкламалар шароитида спортчининг (турли спорт йўналишларида) юрак-қон томир тизмида функционал-метаболик ўзгаришлар хусусияти

Аннотация

Дунёда спортда учрайдиган юрак хуружи туфайли тўсатдан рўй берадиган ўлим ҳолати, унинг келиб чикиши механизмлари ва эрта ташхисотини тадқиқ этиш спорт тиббиёти соҳасида ўта долзарб муаммолардан бири сифатида қаралмокда. Бундай жиддий ҳолат ушбу касалликни олдини олишга қаратилган изланишлар зарурияти ва амалий аҳамияти жиҳатидан устувор тадқиқотлар қаторида эътироф этилишига олиб келмокда. Ўтказилган илмий тадқиқотлар спортчиларда ЭКГ кўрсаткичларидаги ўзгаришларнинг юрак билан боглиқ бўлган тўсатдан ўлим ҳавфи орасида муайян боғлиқлик мавжудлигини бу эса юқори спорт натижаларига эришишга йўналтирилган тайёргарликдаги мослашувчанликнинг бузилишини бошланғич белгилари эканлигини кўрсатмоқда. Шу туфайли, спортчиларда юракка уларнинг жисмоний юкламаларига мослашувини таъминловчи асосий аъзо сифатида қаралиб, унда рўй бериши мумкин бўлган минимал ўзгаришларни эрта аниқлаш ва мониторинг тизимини яратиш, юрак фаолиятини бошқаришда иштирок этувчи механизмларни, жумладан, генлар полиморфизмини ўрганиш спортда тўсатдан юрак ўлимини олдини олишга қаратилган истиқболли тадқиқотлар сирасига киради.