Семизлик. Ташхислаш ва даволаш

Аннотация

Ёғ ҳужайраси “адипоцит” деб аталади. Бу ном “ёғ” маъносини берадиган лотинча “аdерs” ҳамда “ичи бўш идиш” шаклида таржима қилинадиган юнонча “куtоз” сўзларидан таркиб топган. Ёғ тўқимаси ҳужайралари сканирловчи электрон микроскоп остида ўрганилганда коллаген толалар ва қон ташувчи капиллярлар билан ўралган шарчалар шаклида намоён бўлади. Оқ ва қўнгир ёғ тўқимаси ҳужайралари бир-биридан сезиларли даражада фарқ қилади. Оқ ёғ тўқимаси ичида битта катта ёғ пуфакчаси мавжуд. Бу ёғ пуфакчаси ҳужайрани бутунлай эгаллаб, унинг ядросини четга (периферияга) суриб қўйган ва у яссиланган. Эмбрионал ривожланиш жараёнида ёғ тўқимаси мезенхимадан, яъни эмбрионал бириктирувчи тўқимадан ўсади.