КОНТРАФАКТ ВА ФАЛЬСИФИКАЦИЯ ҚИЛИНГАН МАҲСУЛОТЛАР ИМПОРТИНИНГ МИЛЛИЙ ИҚТИСОДИЁТГА ВА ИНСОН САЛОМАТЛИГИГА ТАЪСИРИ

Аннотация

Дунёда иқтисодий жараёнлар тез ўзгариб бораётган бир даврда, мамлакат иқтисодиётини ҳимоя қилиш ва глобал инқироз таъсирини енгиллаштириш, экспортбоб товар ишлаб чиқариш рақобатбардошлигини оширишда ташқи савдони ривожлантириш юзасидан илмий ва амалий таклифлар ишлаб чиқиш долзарб масалалардан ҳисобланади. Мазкур монографияда, фальсификация қилинадиган товарларни кимёвий таркибини ўрганишни такомиллаштириш орқали ташқи савдони ривожлантиришга таъсир этувчи турли омиллар ўрганилди. Жумладан, мамлакатимизга ноқонуний товарлар кириб келишини олдини олишда контрафикациянинг аҳамияти; лабораторияларида ўтказиладиган экспертизаларнинг самарадорлигини ошириш; товарларни ТИФ ТНда таснифлашнинг илмий асослари; айрим гуруҳ истеъмол товарларини ТИФ ТНда таснифлаш усуллари; кимёвий лаборатрия ходимлари томонидан Интеллектуал мулк объектларини ҳимоя қилиш; бозорларни сифатсиз ва контрафакт товарлардан ҳимоя қилиш масалалари, миллий ТИФ ТНни такомиллаштириш, товарларни сертификатлаш жараёнларини соддалаштириш ва такомиллаштириш, божхона процедураларини соддалаштириш, ташқи савдони ривожлантириш каби масалалар ўрин олган бўлиб, амалиётда учраётган муаммолар ва уларнинг ечимлари бўйича илмий асосланган таклиф ва тавсиялар ишлаб чиқилди. Монографиядан соҳа мутахассислари, божхона органлари ходимлари, Кимё-технология сохаси, озиқ-овқат хавфсизлиги ходимлари ТИФ иштирокчилари ва илмий изланувчилар фойдаланишлари мумкин.