TUPROQ, XAVO MIKROFLORASI SANITAR KO’RSATKICH MIKROORGANIZMLARINI AHAMIYATI

Аннотация

Ushbu ishda tuproq va atmosfera havosida uchraydigan sanitar ko‘rsatkich mikroorganizmlarning biologik va gigiyenik ahamiyati o‘rganiladi. Tuproq va havoda mavjud mikroorganizmlar inson salomatligiga ta’sir etuvchi muhim omillardan biri bo‘lib, ularning soni va turlari muhitning ifloslanish darajasini aniqlashda muhim ko‘rsatkich hisoblanadi. Ishda asosan ichak tayoqchasi guruhi, stafilokokklar, streptokokklar kabi sanitar ko‘rsatkich mikroorganizmlarining mavjudligi va ularning ko‘rsatkich sifatida qo‘llanishi tahlil qilinadi. Shuningdek, ularni aniqlash usullari, sanitar-gigiyenik nazoratda tutgan o‘rni va ekologik muhitdagi roli yoritilgan. Tadqiqot natijalari tuproq va havoning sanitariya holatini baholash, kasalliklarning oldini olish va atrof-muhit monitoringini olib borishda muhim ilmiy-amaliy asos bo‘lib xizmat qiladi. Kalit so‘zlar:tuproq mikroflorasi, havo mikroflorasi, sanitar ko‘rsatkich mikroorganizmlar, gigiyena,ichak tayoqchasi,ekologik monitoring,mikrobiologik tahlil.