ЛАЗЕРЛАР ВА УЛАРНИНГ АМАЛИЁТДАГИ ЎРНИ

Аннотация

Кейинги йилларда турмушимизнинг барча соҳалари қатори илм - фан ва таълим соҳасига ҳам катта аҳамият берилмоқда. Ўзбекистон Республикаси Президенти Ш.М.Мирзиѐев томонидан 2017 йил 14 мартдаги “Ўрта махсус, касб-ҳунар таълим муассасалари фаолиятини янада такомиллаштириш чора - тадбирлари тўғрисида ҳамда 2017 йил 20 апрелдаги “Олий таълим тизимини янада ривожлантиришнинг чора - тадбирлари тўғрисидаги” қарори ҳам бу соҳадаги амалга оширилаѐтган ижобий ишларнинг мантиқий давоми бўлди. Ушбу қарорнинг ижросини таъминлашга йўналтирилган дастурда ўрта махсус, касб-ҳунар таълими муассасаларини замонавий ўқув, ўқув - услубий ва илмий адабиѐтлар билан таъминлаш назарда тутилган. Шуни инобатга олган ҳолда юқоридаги қарорларнинг ижроси сифатида ҳозирги замон физикасининг долзарб йўналишларига бағишланган ушбу ўқув қўлланма тайѐрланди. Маълумки, бугунги куннинг долзарб масалаларидан бири фундаментал фанлар йўналишидаги ихтиро ва янги ишланмаларни амалиѐтга имконият даражада жорий қилишдан иборат. Бу эса ўз навбатида фундаментал фанларнинг ривожланишига туртки бўлмоқда. Лазернинг ихтиро қилиниши ва когерент нурланишнинг амалиѐтга қўлланилиши фан билан амалиѐт орасидаги ўзаро узвийлиликнинг ажойиб намунаси бўла олади. Ҳозирги вақтда фан ва техникадаги баъзи соҳаларни лазерсиз тасаввур этиб ҳам бўлмайди. Мазкур ҳоллар ўз навбатида лазерларни илмий асосларини янада ривожланишини талаб этмоқда.