АУДИТОРЛИК ФАОЛИЯТИНИНГ КОРПОРАТИВ БОШҚАРУВ ТИЗИМИДА МЕТОДОЛОГИК КОНЦЕПЦИЯСИНИ ТАКОМИЛЛАШТИРИШ

Аннотация

Мазкур мақолада хорижда сўнгги йилликларда рўй берган қатор молиявий муваффақиятсизликлар ва инқирозлар, уларнинг сабаблари, жумладан бошқарувнинг ва муаммоларнинг олдини олиш маҳорати йўқлиги, тегишли назорат чораларининг етишмаслиги кабилар келтириб ўтилган. Ушбу молиявий муваффақиятсизликлар ва инқирозлар натижасида инвесторларнинг молиявий ҳисоботларга ва бошқарув ҳисоботига ишончи аҳамиятли даражада пасайди. Бу сингари катта молиявий инқирозлар аудиторлик касби нуфузига катта таъсир кўрсатди ва жамоатчилик аудиторнинг жавобгарлиги ва мустақиллигини англаши туфайли аудиторлик касби қийинчиликларга дуч келди. Бундай муаммоларнинг сабаби сифатида катта аудиторлик компаниялари ҳам иштирок этган, улар аудиторлик хулосаларида модификацияланмаган (ижобий) фикр билдирган, компанияларнинг молиявий аҳволи фирибгарликлардан холи эканлиги тасдиқлагани кўрсатилган. Йирик компанияларда аудит қўмитаси ва ички назорат тизими соҳаларидаги заиф томонлари корпоратив муваффақиятсизликка олиб келганлиги, чунки мазкур тизимлар корпоратив бошқарув механизмларида марказий мониторингни таъминлайди. Шунинг учун корпоратив бошқарув тизимида аудитнинг ўрни ғоят муҳим ва марказий аҳамият касб этади.