Stomatologlarda yelka kamari og‘rig‘i sindromlarining klinik va nevrologik xususiyatlari

Аннотация

Ilmiy manbalar bo`yicha aholining voyaga yetgan qatlamida bo`yin va yelka sohasidagi og`riq sindromi o`rtacha 6 foizni, yosh ulg`aygani sari 45 foizgacha tashkil etadi. Yelka kamarining periartikulyar to'qimalarida degenerativ o'zgarishlar sabablaridan biri bu noqulay kasbiy sharoitlar, ya`ni jismoniy toliqishdir. Kasbiy layoqatsizlik bilan bog'liq jiddiy tibbiy va ijtimoiy muammo bu stomatologlarda bo`yin-yelka sohasidagi surunkali og'riq sindromlarining holatidir. Stomatolog xonasida yangi texnologik o'zgarishlar paydo bo'lishiga qaramay, ish vaqtida (5 soatdan ortiq) umurtqa pog'onasi mushaklari va aylanadigan yelka kamarining uzoq muddatli statik toliqishi bilan bog'liq fiziologik va ergonomik yuklamalarning o'ziga xosligi mavjud. Bo'yinni egish va yelkaning ko`tarilishi orqali majburiy ishchi holati bilan bog'liq trapetsiya va oksipital mushaklarning kuchlanishi e'tiborga molik. Bo'yin va yelka kamaridagi og'riqli jarayonlarning aksariyati refleksli himoya mushaklari spazmini rivojlanishiga va bo'yinning harakatchanligini pasayishiga olib keladi.