O'RTA OSIYO ARXEOLOGIYSI

Аннотация

Arxeologiya atamasi antik davridayoq ma'lum bo'lib, tarixchi Fukidid o'zining "Peloponess urushi" (mil. avv. V asrda) asarida keltirgan. Qadimgi yunon faylasufi Platon (mil. avv. 427-347 yillar) arxeologiya (arxayos qadimgi, logos fan) so'zidan qadimgi davr tarixini bayon qilish maqsadida foydalangan. Uning fikriga ko'ra o'tmish to'g'risida hikoya qiluvchi arxeologiyaning vazifasi qadimgi inshootlar va san'at yodgorliklarini o'rganish va ularni sharhlashdan iborat boʻlgan. Antik davrida arxeologiya atamasi paydo bo'lib qolmasdan, insoniyatning o'tmish tarixini o'rganish yo'lida ham daslabki qadamlar qo'yiladi. Bu davrda yashagan rimlik mutafakkiri Tit Lukretsiy Kar "Narsalarning tabiati to'g'risida" nomli asarida (mil. avv. I asr) insoniyat tarixini tosh, mis, bronza va temir davrlariga bo'lib, arxeologiya bilimiga tamal toshini qo'ygan edi.