Маҳаллий хом ашёлар асосида антианемик таъсирга эга бўлган таблетка дори турини яратиш ва сифатини баҳолаш

Аннотация

Ушбу анемия касаллигини даволаш учун асосан органик ва ноорганик табиатга эга бўлган темир препаратлари қўлланилади. Адабиётларда келтирилган маълумотларга кўра, органик табиатга эга бўлган темир препаратлари ноорганик табиатга эга бўлган темир препаратларидан кўра юмшоқроқ таъсир қилади, тўлиқроқ сўрилади ва камроқ заҳарли таъсир намоён қилади. Фармакологик тадқиқотларнинг дастлабки натижаларига кўра, таркибида муайян миқдорий нисбатларда ферамид ва мумиё-асилни сақловчи “Мумифер” субстанциялар аралашмаси ҳамда ферамид, коамид, аскорбин ва фол кислоталарини сақловчи “Фераскофол” субстанциялар аралашмаси маълум бир дозаларда антианемик фаолликка эга. Доривор моддалар (ДМ) ва улар аралашмаларидан юқори самарадор, турғун, иқтисодий жиҳатдан фойдали ва мураккаб таркибли дори турларини ишлаб чиқиш эса фармацевтик технологиянинг долзарб вазифаларидан бири ҳисобланади.