ПУЛ МАБЛАҒЛАРИНИ ТАҲЛИЛ ҚИЛИШДА ХАЛҚАРО ҲАМДА МАҲАЛЛИЙ УСЛУБИЙ ЁНДАШУВЛАР

Аннотация

Республикада рўй бераётган турли иқтисодий ўзгаришлар натижасида ижобий кўрсаткичлар кузатилиб, ўз навбатида Ўзбекистоннинг глобаллашув жараёнларидаги иқтисодиётига ҳам таъсирини кўрсатмоқда. Жумладан, акциядорлик жамиятлари, хорижий давлатлар иштирокидаги қўшма корхоналар ва бошқа хўжалик юритувчи субъектларнинг капитал қийматининг барқарорлигига ҳамда жорий активларига ўзининг турли йўналишлардаги таъсирини кўрсатди. Хўжалик юритувчи субъектлар молия-хўжалик фаолиятини амалга оширишлари учун маълум даражада етарли миқдорда маблағларга эга бўлиши керак. Бу маблағлар хўжалик жараёнида турли хил функцияларни бажариши билан бир қаторда маблағларнинг ҳолати ва ҳаракатини тўғри амалга оширилишида иқтисодий таҳлил ўтказиш муҳим аҳамиятга эгадир. Ишлаб чиқаришни амалга оширишда, маҳсулот сифатини яхшилашда, рақобатбардошлигини оширишда ва ишлаб чиқариш жараёнининг кўламини кенгайтиришда хўжалик субъектлар фаолиятида жорий активларни таҳлили алоҳида ўрганилиши лозим. Жумладан, жорий активларни ўрганишда пул маблағлари алоҳида ўринни эгаллайди.