Қазақ әдебиетін оқыту әдістемесі

Аннотация

Әдебиетті оқыту әдістемесі кенже дамып келе жатқан ғылым саласы. Орта мектептерде әдебиетті оқыту әдістемесіне арналған оқулық, оқу құралдары болғанымен, білім беру жүйесіндегі қарышты даму үдерісіне икемді талпыныс жасау бағытында жаңа талап деңгейіндегі оқулықтар қажеттігі айқын. Жоғары мектепте әдебиетті оқыту саласы бойынша ширек ғасыр еңбек етіп келе жатқан педагогика ғылымдарының кандидаты, профессор м.а. Б.Д.Жұмақаеваның оқулығы әдебиетті оқыту саласындағы жаңа бағыттар мен оқыту саласындағы заманауи мақсатмүдделерге негізделген. Оқулықта әдебиет пәнін оқытудың тиімді әдіс-тәсілдері жинақталып, сабақтың практикалық жолдары ұсынылған. Олар педагогика, психология ғылымдарының негізінде талданып, түсіндіріледі. Оқу құралы мұғалімдерге, филология факультеті студенттеріне арналған.