Давлат тиббиёт муассасаларида бошқарув ҳисобини ташкил этиш босқичлари

Аннотация

Давлат тиббиёт муассасаларида бошқарув ҳисобини бухгалтерия ҳисоби билан параллел равишда ривожлантириш давр талаби ҳисобланади. Ҳозирги вақтда тиббиёт соҳасининг ривожланиши, аҳолига кўрсатилаётган тиббий хизматлар сонининг ошиб бориши ўз навбатида муассаса раҳбарларининг ахборотга бўлган эҳтиёжи ва талабларининг кенгайиб боришига сабаб бўлмоқда. Бугунги кунда давлат тиббиёт муассасалари томонидан бюджет ва бюджетдан ташқари маблағларнинг мақсадли сарфланиши, маблағлардан фойдаланиш амарадорлигини аниқлаш ҳамда уларнинг молиявий натижалари тўғрисидаги маълумотларнинг доимий мониторингини ташкил қилиш ҳам муҳим аҳамиятга эга. Ушбу мақолада давлат тиббиёт муассасаларида бошқарув ҳисобини ташкил этишнинг зарурати, босқичлари ва уларнинг тавсифи баён қилинган. Давлат тиббиёт муассасаларида бошқарув ҳисобининг мақсади, вазифалари ҳамда бошқарув ҳисоби тизимининг элементларини амалга ошириш йўллари илмий жиҳатдан ёритиб берилган ҳамда бошқарув ҳисобини ташкил этиш стандартининг тузилиши кўрсатилган.