Ўзбекистоннинг Каспий-Волга бўйлари ва Оренгбург орқали Россия билан элчилик муносабатлари тарихи

Аннотация

Тарихдан маълумки, Ўзбекистоннинг Каспий-Волга буйлари билан алоқаси милодий биринчи минг йилдаёқ кўзга ташланган эди. Бу вақтларда сиёсий, иқтисодий ва маданий алоқалар қизғин тус олганди. Ҳатто ўша бепоён ерларда Хоразм-Хазар империяси ташкил топган эди. Милоддан олдинги асрларда эса Хоразм давлатининг чегараси Каспий ва Волга бўйлари орқали Грузиягача бориб тақалган. Кейинги даврларда ўзбеклар у ерларга ўрнашиб, ислом динини тарқатишда муҳим ўринни эгаллаб, масжид ва мадрасалар қурдилар. Айни пайтда давлат бошқарувида ҳам қатнашиб, хоразмликлардан қўшин туздилар. Умуман олганда, улар Каспий-Волга буйларини ривожлантиришга муносиб ҳисса қўшдилар.