Жануби-Ғарбий Ўзбекистонда аҳоли бандлигининг иқтисодий географик хусусиятлари

Аннотация

Жахонда аҳолининг иш билан бандлигини ошириш, айниқса, меҳнат ёшига етиб келаётганларни иш билан таъминлаш, ишсизликнинг олдини олиш мураккаб вазифалардан бири бўлиб бормоқда. Халқаро Меҳнат Ташкилоти хисоботида «2022 йил бутун дунёда ишсизлар сони 207 млн. кишига етиши, бу эса 2019 йилга нисбатан 21 млн кишига кўпроқ эканлиги» келтирилган. Хозирги вақтда мамлакатлараро савдо-сотиқ ҳажмининг сезиларли даражада камайиши, махсулот етказиб беришдаги глобал ва худудий занжирлардаги узилишлар, шунингдек, молия бозорларида кузатилаётган инқироз кўпгина давлатларга жиддий таъсир кўрсатмокда. Бу ҳолат ахоли бандлиги шаклланишининг худудий хусусиятлари билан боғлиқ хамда уларга таъсир этувчи географик, ижтимоий-демографик ва бошқа муаммоларнинг ечимига қаратилган тадқиқотларни тақазо этади.