Indigofera tinctoria o‘simligi va tuproqdagi makroelementlarning o‘zgarishi

Аннотация

Maqolada Farg'ona viloyati iqlim-sharoitida shakllangan o‘tloqi-voha tuproqlari tarkibidagi makroelementlar miqdori tavsiflangan. Tadqiqotda o‘tloqi-voha tuproqlari hamda Indigofera tinctoria L. o‘simligi kimyoviy element tarkibi neytron aktivatsion usulda namunalarni neytron oqimi bilan nurlantirilib, kimyoviy elementlarning yarim yemirilish davrlariga asoslangan holda ularning miqdorlari aniqlandi. Makroelement miqdorlari litosfera va tuproq klarkiga taqqoslangan. O‘tloqi-voha tuproq sharoitida yetishtirilgan Indigofera tinctoria L. o‘simligi tarkibida Na, K, Ca, Fe va Ba kimyoviy elementlar miqdorlari aniqlandi hamda ahamiyati o‘rganildi.