Qadimgi turkiston

Аннотация

Arxeologlar Samarqand yaqinidan 25-30 ming yil ilgari yashagan odamning bosh suyagini topganlar, to'qqizta tish ham saqlangan, bu topilmalar O'zbekiston, shuningdek, butun Turkiston o'lkalarida eng qadimgi davrlardan boshlab odam avlodlari yashab kelganligini yana bir bor isbotlaydi. Turkiston hamda butun turkiy xalqlar o'lkalarida insonlar juda ilk davrlardan boshlab mis, qoʻrgʻoshin, oltin eritib kerakli buyumlar yasaganlar, bu ma'danlar birikmasidan bronza ma'danini hosil qilganlar, bronzadan urush, xoʻjalik ishlari uchun qurollar yasaganlar. Bronzadan yasalgan qurollar qishloq xoʻjalik ekinlarining ham chorvachilikning ham rivojiga sabab bo'lgan. Bu o'lkalarda yashagan xalqlar tez orada eng sifatli temir, poʻlat eritishni ham o'zlashtirganlar. Toshkent viloyatiga qarashli "Qovunchi" arxeologik topilma manbasiga qaraganda, etnik jihatdan turkiy qavmlarga xos yaqin qarindosh guruhlar orasida yirik qabilalar tashkil topganligi, bu qabila guruhlari uy hayvonlarini oʻrgatganliklari, shuningdek, kulolchilik, yigirish-toʻqimachilik va ish qurollari yasaganliklari aniqlangan.