Сабзавот агробиоценозида оққанотнинг (Aleyrodidae) зарари, биоэкологияси ва уларнинг самарали энтомофаг турлари

Аннотация

Оққанотларнинг энтомофаг турларидан 7 та оилага мансуб, 27 турга мансуб йиртқич ва паразитэнтомофаг турлари аниқланди. Унга кўра булар Neuroptera, Aphelinidae, Syrphidae, Coccinellidae, Anthocoridae, Nabidae, Miridae оилалари эканлиги кузатилди. Энтомофагларнинг ўзаро нисбатига кўра энг кўп популяцияга эга оилалар олтинкўзлар (Сhrysopidae), хонқизи қўнғизлари (Coccinellidae), йиртқич қандалалар (Miridae) эканлиги аниқланди. Уларнинг популяцияси турличани ташкил қилди. Оққанот миқдорини бошқаришда паразит энкарзия паразитини қўллаш бўйича тадқиқотлар олиб борилиб,очиқ ва ёпиқ шароитда оққанотга қарши турли сарф-меъёрларда қўлланилди. Иссиқхона шароитида иссиқхона оққаноти (Trialeurodes vaporariorum) миқдорини бошқаришда энкарзия (Encarsia partinopea Masi) тури қўлланилди. Иссиқхона шароитида бодринг экинида энкарзия 1:10 нисбатда қўлланилгандан сўнг, 28-кунда 87,9% биологик самарадорлик кузатилди.