Astrometriya va kosmik dasturlar kursi

Аннотация

Ushbu qo’llanma qator yillar mobaynida Mirzo Ulug`bek nomidagi O`zbekiston Milliy Universiteti fizika fakultetida "Astronomiya" yo`nalishi doirasida o`qib kelingan "umumiy astrometriya" fani bo`yichadir. Mazkur fanga "Bakalavr B-440300" o`quv rejasiga ko`ra jami 88 soat ajratilgan bo`lib, bundan 44 soat ma`ruzalarga taalluqli. Ushbu fan bo`yicha quyida zamonaviy astrometriya masalalari, Yerning o`z o`qi atrofida aylanish nazariyasi, yulduzlar koordinatalarining vaqt davomida o`zgarishi tabiati, fundamental va inersial koordinatalar sistemalarini qurish usullari, Yer shakli va aylanishi hamda vaqtni aniqlash usullariga oid materiallar berilgan. Astrometriya astronomiyaning eng qadimda birinchi bor rivojlangan fanidir. Bu fanning asosiy yutuqlari O`rta asr davomida sharq olimlari (Al-Farg`oniy, Chag`moniy, Beruniy, Ulug`bek, Qozizoda Rumiy, G`iyosiddin Koshiy, Ali Qushchi va boshqa qator olimlar) tomonidan qo`lga kiritilgan.