Экология ва озиқ-овқат хавфсизлиги

Аннотация

Экология фани «Экология ва озиқ-овқат хавфсизлиги» ўқув курсининг биринчи бўлимида ўқитилади. Бу курсда ўқитиладиган экология фани мамлакатимизда табиат ресурсларидан фойдаланиш жараёнида юзага келадиган экологик оқибатларни, экологик барқарор ривожланишни тушунтиради, сайёравий экологик инқирозларни ва экологик маданиятни, экологик билимни шакллантириш бўйича билимлар беради. Фан-экологик тизимлар, экологик омиллар, инсониятнинг табиатга таъсири, биологик хилма-хилликни сақлаш, табиат ресурсларини муҳофаза қилиш, улардан оқилона фойдаланиш, чиқиндисиз технологияларни йўлга қўйиш, экологик жиҳатдан тоза маҳсулотларни ишлаб чиқариш ва атроф-муҳитни антропоген чиқиндилар билан ифлосланиши каби муҳим муаммолар билан таништиради.Қўлланма олий ўқув юрти талабаларида сайёрамизда, Ўзбекистондаги экологик муаммолар тўғрисидаги билимлар мажмуасини шакллантиради.