O'zbek qadriyatlari. 1-kitob

Аннотация

«Behzod» firmasi Respublika mahalliy xayriya jamg'armasi bilan hamkorlikda juda kerakli, xayrli va savobli ishga qo'l urdi. Bu, professor Malik Murodning «O’zbek qadriyatlari» deb nomlangan va ko'p jildga mo'ljallangan kitoblarini chop etishga kirishganligidir. Mazkur majmualarda dono xalqimizning uzoq kechmishdan to bizning kunlarimizgacha bo'lgan sharqona, ayni choqda, o'zbekona qadriyatlari, ularning mohiyatlari sodda va shirali tilda, ommaviy tarzda qiziqarli yoritib beriladi. Qitoblardan bebaho materiallar—xalqimizning hayoti va dunyoqarashining muxtasar qirralari, madaniy-falsafiy, etik-estetik tushunchalari joy olgan. Bu materiallar shuningdek, xalq an'anaviy pedagogikasi —pandnomasiga oid bo'lib, keng kitobxonlar ommasida muhim ma'rifiy-axloqiy ahamiyat kasb etadi... Muallifning salkam yarim asr davomida xalqimiz orasida kezib to'plagan va matn hamda tadqiqotlar asosida chop etib kelayotgan HAYOT SARVARI INSON-ning dorulfanoga kelishidan tortib dorilbaqogacha bo'lgan davridagi qadriyatlarning bir joyga jamlab, nashr etishga kirishganligi mustaqilligimiz sharofati bo'lib, ma'naviyatimiz hamda istiqlolimiz mafkurasiga qo'shilajak muhim hissalaridan bo'ladi, deb o'ylaymiz.