INGLIZ VA O‘ZBEK IDEOGRAFIK LUG‘ATLARIDA TEMATIK GURUHLASHNI YAXSHILASH IMKONIYATLARINI ANIQLASH

Аннотация

Til boyligini tizimli o‘rganish va o‘rgatishda tematik tasniflash muhim rol o‘ynaydi. Tematik lug‘atlar ya’ni ideografik lug‘atlar yoki tezauruslar so‘zlarni alifbo bo‘yicha emas, balki ularning ma’no va mavzu jihatdan bog‘liqligiga qarab guruhlaydi. Bunday lug‘atlardagi so‘zlar bir mavzuga, soha tushunchasiga oid bo‘lib, o‘xshash semantik munosabatdagi sinonim, antonim, giponim va boshqa bog‘lovchi aloqadagi atamalar to‘plamini aks ettiradi. Mazkur maqolada tematik tasniflashning leksikografiyadagi ahamiyati tahlil qilinib, ingliz va o‘zbek lug‘atlaridagi tematik guruhlashning tuzilishi va muammolari taqqoslanadi. Shuningdek, aniqlik va samaradorlikni oshirish maqsadida semantik maydonlar nazariyasi, korpus tahlili hamda axborot-kommunikatsiya vositalaridan foydalanish bo‘yicha usullar va strategiyalar muhokama qilinadi. Bu tadqiqot turk tilshunosligi va lug‘at tuzish jarayonini takomillashtirishga xizmat qiluvchi ilmiy tavsiyalarni ishlab chiqishga qaratilgan.