XVI-XIX АСРЛАР ЮРТИМИЗ МАДАНИЯТИ ТАРИХИДАН ЛАВҲАЛАР

Аннотация

Мустақиллик Ватанимиз тарихини ҳар томонлама чуқур, изчил ва ҳаққоний равишда ўрганишга, айниқса унинг шўролар даврида сохталаштирилган, бузиб кўрсатилган, ўзгача талқин қилинган шонли саҳифаларини рўйи-рост тадқиқ этиб, нафақат элимизнинг, балки жаҳон халқларининг ҳам эътиборига ҳавола этишга қулай шароит ва кенг имкониятлар яратди. Шунингдек, истиқлол Ватанимиз тарихининг ажралмас, муҳим таркибий қисми бўлган ўтган аждодларимиз маданий ҳаёти тарихини ҳам синчиклаб ўрганишни долзарб вазифалардан бири қилиб қўйди. Бу вазифанинг муваффақиятли амалга оширилиши эса юртимизда миллий истиқлол ғояси шаклланишида, мустаҳкамланишида ва уни халқимиз онгига тобора чуқурроқ сингиб, маънавиятини юксалтиришда алоҳида аҳамият касб эта бошлади