ПЕДАГОГИКА ОЛИЙ ТАЪЛИМ МУАССАСАЛАРИ ТАЛАБАЛАРИДА ТАШАББУСКОРЛИКНИ РИВОЖЛАНТИРИШНИНГ ПЕДАГОГИК МЕХАНИЗМЛАРИ

Аннотация

Диссертация мавзусининг долзарблиги ва зарурати. Жаҳоннинг ривожланган мамлакатларида таълим сифати кадрларнинг ташаббускорлик қобилиятлари, уларнинг инновацион, креатив фаоллигининг ривожланганлик даражаси билан белгиланади. Жумладан, Жанубий Корея, Хитой, Россия, Германия, Франция каби мамлакатларда талабаларнинг ташаббускорлик қобилиятларини ижтимоий-психологик тренинглар, ишбоп ўйинлар, телекўрсатувлар, дебатлар асосида ривожлантириш амалиёти кенг жорий этилган. Таълим жараёнини байналмилаллаштириш асосида ижтимоий-иқтисодий ва маданиятлараро муносабатларда рақобатбардош, креатив, ташаббускор кадрлар тайёрлашга устуворлик берилган.