AKSIOLOGIK YONDASHUV ASOSIDA KREATIVLIKNI RIVOJLANTIRISH TEXNOLOGIYASI

Аннотация

This thesis substantiates the need for an axiological (value-based) approach to the formation of creativity. It also analyzes the stages of pedagogical technology developed on the basis of this approach and the mechanism for developing creative potential in the teacher through it. Keywords: axiological approach, creativity, pedagogical technology, values, reflection. Bugungi globallashuv sharoitida ta’lim tizimi faqat bilim berishga emas, balki ijodiy, mustaqil, ijtimoiy mas’uliyatli shaxsni va har tomonlama yetuk, barkamol shaxni shakllantirishga qaratilishi kerak. Bu borada kreativlikni rivojlantirish dolzarb masala hisoblanadi va uni qadriyatlarga asoslangan, ya’ni aksiologik yondashuv orqali shakllantirish pedagogik texnologiyalarni yangilashni talab etadi. Aksiologik yondashuv — bu shaxsning individual, kasbiy va ijtimoiy qadriyatlariga asoslanib ta’lim berish jarayonidir. Kreativlik esa faqat ijodiy topshiriqlar orqali emas, balki ma’naviy-axloqiy asoslangan qarorlar qabul qilishda ham namoyon bo‘ladi. Shu bois, kreativlikni rivojlantirishda aksiologik yondashuv asosida quyidagi texnologik bosqichlar ishlab chiqildi: - Qadriyatlarni aniqlash — shaxsning shaxsiy va kasbiy qadriyatlarini o‘rganish; - Reflektiv muhit yaratish — ochiq, erkin fikrlashga asoslangan o‘quv muhiti tashkil etish; - Qadriyatga yo‘naltirilgan ijodiy mashqlar — real hayotiy vaziyatlar asosida kreativ topshiriqlar berish; - Aksiologik tahlil — bajarilgan ijodiy ishlarning ijtimoiy va axloqiy qiymatini tahlil qilish; - Kreativ qadriyatlarning integratsiyasi — o‘quvchining hayotiy pozitsiyasiga mustahkamlab singdirish. Ushbu texnologiya orqali shaxs nafaqat innovatsion yechimlar ishlab chiqishga, balki ularni ijtimoiy foydali, qadriyatlarga mos tarzda qo‘llashga o‘rganadi. Aksiologik yondashuv asosida kreativlikni rivojlantirish texnologiyasi — bu nafaqat zamonaviy o‘qituvchini balki bugungi kun o‘quvchisi shaxsini intellektual va ma’naviy jihatdan uyg‘un holda shakllantirishga qaratilgan samarali metodik modeldir. Bunday yondashuv o‘qituvchining nafaqat ijodiy salohiyatini, balki kasbiy e’tiqodini ham mustahkamlaydi. 17 ILM-FAN VA INNOVATSIYA ILMIY-AMALIY KONFERENSIYASI in-academy.uz/index.php/si