Юрак ишемик касаллиги билан беморларда коронар артериялар шикастланиши ва липид профиль даражасининг ўзаро боғлиқлиги

Аннотация

Тадқиқот мақсади: Юрак ишемик касаллиги бидан беморларда коронар артериялар шикастланиши ва липид профиль даражасининг ўзаро боғлиқлигини ўрганиш. Материаллар ва усуллар. 2019-2020 йиллар давомида СВКТТМ да стационар шароитда даволанган коронар ангиографик текширув натижасига кўра, икки ѐки ундан ортиқ коронар артерияси шикастланган 75 беморда ретроспектив тадқиқот ўтказилди. Натижалар. ЗЮЛП даражаси ва ЮИК риводланиш хавфи ўртасидаги тескари боғлиқлик аниқланди ва тасдиқланди. ЗЮЛП ва УХС, айниқса триглицеридлар ва ЗПЛП даражаси ўртасидаги бевосита боғлиқлик мавжуд. Нохуш оқибатли гуруҳда жигар ферментлари, хусусан АЛТ миқдорининг юқорилиги, шунингдек АСТ ва ЗПЛП даражаси ўртасидаги тўғридан тўғри боғлиқлик аниқланди. АСТ ни коронар артериялари шикастланган беморларда салбий омил деб ҳисоблаш эҳтимоли йўқ эмас. ЗЮЛП даражаси ва қанд миқдори, айниқса гликирланган гемоглабин ўртасида юқори тескари корреляция аниқланди. Хулоса. Зичлиги юқори липопротеинларнинг пасайиши тез-тез касалхонага ѐтқизиш ва такрорий коронарография масаласини кўриб чиқиш омили ҳисобланади. АСТни коронар қон томирлари шикастланган беморларда салбий омил деб ҳисоблаш эҳтимоли йўқ эмас.