TASVIRIY SAN’AT TA’LIMIDA KLASTER YONDASHUVI ASOSIDA TAKOMILLASHTIRILGAN О‘QITISH TEXNOLOGIYALARI (oliy va umumiy о‘rta ta’lim hamkorligi misolida)

Аннотация

Jahonda pedagogik ta’lim tizimining raqobatbardoshlik darajasidagi o‘zgarishlar ta’lim oluvchining intellekti, tafakkuri, his-tuyg‘ulari, didi, axloqiy va hayotiy ko‘nikmalarini shakllantirishga bog‘liqligi tobora oydinlashmoqda. Jamiyat va inson taqdiriga bog‘liq dolzarb vazifalarning yechimini topish uchun san’atning gumanistik g‘oyalaridan to‘g‘ri foydalanish hozirgi globallashuv sharoitida juda muhim sanaladi. Xususan, voqelikning badiiy in’ikosi sifatida tasviriy san’at inson kamoloti, jamiyat rivojida ulkan ahamiyatga ega. Bugungi innovasiyalar asrida zamonaviy beshta sohani yagona ta’lim tizimida integrasiyalashga asoslangan STEAM tizimi AQSH va Yevropada asosiy ta’lim tendensiyalaridan biri sifatida qaralmoqda va ko‘plab mutaxassislar buni kelajak ta’limi deya e’tirof etishmoqda. Bu esa, o‘z navbatida, innovasion texnologiyalar asosida uzluksiz ta’lim tizimini o‘zaro integrasiyalashni talab etadi.