INGLIZ TILINI O‘QITISHDA AN’ANAVIY VA ONLAYN TA’LIM SAMARADORLIGINI OSHIRISH METODIKASI (oliy ta’lim muassasalari misolida)

Аннотация

Butun jahonda tobora rivojlanib borayotgan axborot-kommunikatsiya vositalarining keng qo‘llanishi natijasida yuz berayotgan globallashuv jarayoni muloqot vositasi hisoblangan chet tillarni o‘rganishga bo‘lgan talabni yanada kuchaytirmoqda. Ayniqsa, ta’lim tizimini modernizatsiyalash, zamonaviy innovatsion usullardan foydalangan holda chet tillarini an’anaviy va onlayn o‘qitish muhim ahamiyat kasb etmoqda. Jumladan, AQSH, Buyuk Britaniya, Fransiya, Germaniya, Rossiya va Xitoy kabi rivojlangan mamlakatlarning yetakchi oliy ta’lim muassasalari tomonidan interfaol metodlardan foydalanib ta’lim jarayonini samarali tashkil etish, zamonaviy pedagogik va axborot-kommunikatsiya texnologiyalari asosida chet tillarni an’anaviy hamda onlayn o‘qitishni amaliyotga tatbiq etishning o‘quv-metodik tizimini takomillashtirish bo‘yicha tizimli ishlar olib borilmoqda.