TELEKOMMUNIKATSIYA TEXNOLOGIYALARI VOSITASIDA TALABALARGA INFORMATIKA O’QITISH METODIKASI (“Texnologik ta’lim” bakalavriat ta’lim yo’nalishi misolida)

Аннотация

Jahondagi oliy ta’lim muassasalarida bo’lajak o’qituvchilarni kasbiy kompetensiyalarini rivojlantirishning telekommunikatsiya texnologiyalari ta’lim jarayoniga tadbiq etilmoqda. Xalqaro tashkilotlar hamda AQSh, Yaponiya, Rossiya, Xitoy, Malayziya, Sengapur xalqaro tashkilot va davlatlar tomonidan qabul qilingan 2030 yillargacha yangi ta’lim konsepsiyasida “Ta’lim-taraqqiyotning asosiy harakatlantiruvchi kuchi va barqaror rivojlanish maqsadlarga yetkazuvchi muhim faoliyat”, deb e’tirof qilingan. Bu borada informatikadan ta’lim jarayonida telekommunikatsiya texnologiyalaridan foydalanib (Microsoft Visual J++, Web service) kasbiy kompetentlikni rivojlantirish bo’yicha loyihalar amaliyotga tatbiq etilmoqda. Dunyo hamjamiyatida yetuk mutaxassislar tayyorlash hamda axborotkommunikasiya texnologiyalarining rivojlanish indeksi (ICT Development Index)ni oshirish, ta’lim sifat darajasini yangi bosqichga ko’tarish, bo’lajak o’qituvchilarni kasbiy kompetensiyalarini rivojlantirish, telekommunikatsiya texnologiyalari vositasida informatikadan o’quv natijalarini shakllantirish mexanizmini takomillashtirish, ta’limda telekommunikatsiya texnologiyalarini tadbiq qilish bo’yicha ilmiy tadqiqot ishlari olib borilmoqda. Shu bilan birga bo’lajak o’qituvchilarning motivasion-qadriyatli, tashkiliy-mazmuniy, kognitiv-operasion, shaxsiy-refleksiv kasbiy kompetensiyalarini rivojlantirishning tarkibiy, tuzilmaviy modulini takomillashtirish, zamonaviy dasturiy vositalarni ta’lim jarayoniga keng tatbiq etish, talabalarning individual xususiyatlarini hisobga olgan holda har bir talabaga alohida moslasha oladigan telekommunikatsiya texnologiyalaridan foydalanib informatika o’qitishga alohida ahamiyat berilmoqda.