БЕНЗАЛЬДЕГИДНИНГ ТУРЛИ ҲОСИЛАЛАРИНИ АЛКИНИЛЛАШ АСОСИДА АЦЕТИЛЕН СПИРТЛАРИ СИНТЕЗИ

Аннотация

Бугунги кунда дунёда янги инновацион технологияларни жорий қилиш орқали нефт-газ маҳсулотлари асосида юқори эҳтиёжга эга материаллар ишлаб чиқариш йилдан йилга ортиб бормоқда, бу эса нефт кимёси ва нозик органик синтез асосида янги авлод препаратларни олиш ва ишлатиш соҳасини кенг кўламда ўрганишни тақозо қилади. Илмий ва амалий масалаларни ҳал қилишда нефтгазни чуқур кимёвий қайта ишлаш технологияларининг ролини белгилаш, юқори фаолликга эга бўлган ацетилен спиртларини олишнинг янги усулларини аниқлаш, физик-кимёвий хусусиятларини тадқиқ қилиш ҳамда мақсадли қўлланиш соҳаларини аниқлаш долзарб ҳисобланади. Айниқса ацетилен спиртларини нефт-газ, кимё, резина-техника, лок-бўёқ ва фармацевтика саноатида юқори сифатли препаратлар олишда кенг жорий қилиш жуда муҳимдир. Чунки дунёда нефт-газ, кимё, резина-техника, локбўёқ ва фармацевтика саноати иқтисодиётнинг асосий бўғини бўлиб ушбу соҳаларни ривожлантириш учун кўплаб янги препаратлар синтез қилиш муҳим аҳамиятга эга ҳисобланади.