БЎЛАЖАК ЎҚИТУВЧИЛАРДА СИЁСИЙ ТАРБИЯ КЎНИКМАСИНИ РИВОЖЛАНТИРИШНИНГ ПЕДАГОГИК АСОСЛАРИ

Аннотация

Жаҳон ҳамжамиятида сиёсий жараёнларнинг кескинлашиб бораётганлиги ва глобаллашув жараёнларининг тобора жадаллашуви кишиларда сиёсий тарбия ва сиёсий маданият борасидаги билим, кўникма, малака ва компетенцияларга бўлган интеллектуал эҳтиёжни янада учайтирмоқда. Сиёсий тарбия ва маданиятга эга инсонгина дунё саҳнасида содир бўлаётган жараёнларни тўғри таҳлил қила олишга ҳамда воқеликларга нисбатан ўз шахсий муносабати ва позицияни намоён эта олишга қодир. Шундай экан, ёшларнинг сиёсий жиҳатдан шахсий фикрга эга бўлиши жамиятнинг умумий савиясини белгиловчи асосий омиллардан бири ҳисобланади. Бундай шароитда жаҳон мамлакатларида онг ва тафаккурида миллий қадриятларга нисбатан чуқур эътиқод ва умуминсоний қадриятларга нисбатан ҳурмат шаклланган, ўз халқи ва ватанини севадиган, сиёсий тарбия ва маданиятга эга фуқароларни тарбиялаш масаласига илмий нуқтаи назардан ёндашиш, унга таъсир этувчи омилларни тадқиқ қилиш ва оқилона механизмларини ишлаб чиқиш долзарб аҳамият касб этмоқда.