УМУМИЙ ЎРТА ТАЪЛИМ МУАССАСАЛАРИ ЎҚУВЧИЛАРИДА ҚАДРИЯТЛИ МУЛОҚОТ МАДАНИЯТИНИ ШАКЛЛАНТИРИШ

Аннотация

Дунѐда кузатилаѐтган глобаллашув жараѐнлари замонавий жамият аъзоларидан маданий ва миллий ўзига хосликларни сақлаш шарти билан бирлашган цивилизация сифатида яшаш имкониятларини қидиришни талаб қилмоқда. Тамаддунлар тўқнашуви (clash of civilizations) ва миллий чегараларнинг ―ювилиши‖ дунѐ давлатларининг яхлитлашуви шароитида миллий қадриятларга нисбатан муносабатларга ҳам ўз таъсирини ўтказмоқда. Замонавий контцептуал ѐндашувлар нуқтаи назаридан қаралганда, дунѐ давлатларининг бир бутунга айланиб бориши натижасида ижтимоий муносабатларда маданий тафовутлар ортмоқда. Бу эса дунѐда янги замонавий ижтимоий-маданий вазият қарор топаѐтганидан далолат беради ва турли халқлар ўртасида ўзларининг миллий қадриятларига асосланган маданий мулоқот шаклларидан фойдаланишга эътиборни оширмоқда. Замонавий шароитда одамнинг бошқа маданиятга эга одамлар билан мулоқотга киришиш эҳтиѐжи инсоннинг ажралмас функцияси сифатида қаралмоқда. Шунинг учун бугунги кунда замонавий жамият аъзоларидан қадриятли мулоқот, яъни вақт ва маконда мулоқотга тайѐр бўладиган шахсни шакллантириш масаласини илмий асосда ўрганиш ва таълим муассасаларида ѐшларга шу асосларга кўра таълимтарбия бериш методикасини такомиллаштиришга нисбатан зарурат кучаймоқда.