БОЛАЛАР НУТҚИНИ ХАЛҚ ОҒЗАКИ ПОЭТИК ИЖОДИ ВОСИТАСИДА РИВОЖЛАНТИРИШНИНГ НАЗАРИЙ-ПЕДАГОГИК АСОСЛАРИ (бошланғич таълим мисолида)

Аннотация

Жаҳон таълим тизими амалиѐтида ўқувчиларга халқаро баҳолаш дастурлар талаби асосида таълим беришга бўлган эҳтиѐж кучаймоқда. Бу борада ўқувчиларнинг лингвистик ва метакогнитив компетентлигини ривожлантириш, ўқиш саводхонлиги (матнни тушуниш, фойдаланиш, мулоҳаза юритиш ҳамда муносабат билдириш) бўйича кўникмаларини мустаҳкамлаш, матн билан ишлашда керак бўладиган турли тратегияларни англаш ва улардан тўғри фойдалана олиш каби масалалар Иқтисодий ҳамкорлик ва тараққиѐт ташкилоти (Оrganisation for Economic Co-operation and Development, ОECD) нинг PISA (The Programme for International Student Assessment) ҳамда Таълим ютуқларини баҳолаш халқаро ассоциацияси (International Association for the Evaluation of Educational Achiyevement, IEA) нинг бутун дунѐ бўйлаб таълимни баҳолаш, ўқиш ва тушуниш сифатини яхшилаш бўйича иш олиб борувчи PIRLS (Progress in International Reading Literacy Study) халқаро дастурларида кенг кўламда тадқиқ этилмоқда. Мазкур муаммони бошланғич таълимда фанлар интеграцияси ва ўқувчиларнинг нутқий имкониятларига таъсир этувчи омиллар, хусусан, халқ оғзаки поэтик ижоди воситасида тадқиқ қилиш долзарб аҳамият касб этмоқда.