ОЛИЙ ТАЪЛИМ МУАССАСАЛАРИДА ТАЛАБАЛАРНИНГ КАСБИЙ КОМПЕТЕНТЛИГИНИ РИВОЖЛАНТИРИШДА ВИРТУАЛ ЛАБОРАТОРИЯЛАРДАН ФОЙДАЛАНИШ МЕТОДИКАСИНИ ТАКОМИЛЛАШТИРИШ

Аннотация

Бугунги кунда жаҳон таълим тизимида “бутун ҳаёт давомида таълим олиш” тамойилига асосланган парадигма доирасида компетентли мутахассисни тайёрлаш муҳим аҳамият касб этади. Таълимни ахборотлаштириш шароитида олий таълим тор ихтисосликлар бўйича мутахассис тайёрлашда билим ва кўникмаларни мустақил ўзлаштириш, асосан ижодий фаоллик, ташаббускорлик, оқилона қарорлар қабул қилиш, юқори касбий эрудицияга эга шахсларни тарбиялаш вектори билан ўрин алмашмоқда. Рақамлаштириш шароитида ўқитиш жараёнларини технологиялаштириш эса таълимнинг етакчи тренди сифатида таълимий ландшафт ва конфигурацияларни тубдан ўзгартириб, мутахассислар тайёрлаш жараёнини жадаллаштиришга хизмат қилмоқда. Сўнгги йилларда “инновациялар кўчкиси” сифатида эътироф этилаётган янги таълимий онлайн лойиҳалар, оммавий очиқ онлайн курслар, рақамли таълимий стартапларни яратиш алоҳида долзарблик касб этади.